LAUREN DICKINSON CLARKE ТҮҮХ: БҮТЭЭЛЧ БАЙДАЛ БОЛ НЭГ ТӨРЛИЙН ЭМЧИЛГЭЭ

Лорен Дикинсон Кларк бол Английн зураач, загвар зохион бүтээгч, гоёмсог, хачирхалтай ертөнцийг бүтээгч нэгэн юм. Лааны сав гэхээрээ заавал нэгэн хэвийн бичиг, логогоор дүүрсэн байх ёстой гэж... LAUREN DICKINSON CLARKE брэнд эмэгтэй хүний сэтгэл хөдлөл, зан төрхийг тодорхойлсон өвөрмөц зураглалаар дүүрэн. Тэндээс та домогт уран бүтээлчид, алдартнуудын имидж төрхийг ч харж болно. Бид түүнтэй ажил, амьдрал дахь бүтээлч өнцөг яагаад чухал болох талаар ярилцлаа.

ТАНЫ АЖИЛ БОЛОН ДОТООД ЕРТӨНЦИЙН ТАЛААР ИЛҮҮ ИХИЙГ МЭДЭХИЙГ ХҮСЭЖ БАЙНА. ТА ӨӨРИЙН БРЭНДЭЭ ЯАЖ ҮҮСГЭН БАЙГУУЛСАН БЭ?

Миний бүх загвар бэхний дүрслэлээс эхэлдэг. Өдөр тутмын харилцаа, эд зүйлсийг хөгжилтэй, бүтээлч байдлаар илэрхийлэх дуртай. Би бараг л ухаан орсон цагаасаа л зурж, загвар зохион бүтээж эхэлсэн. Харин дөрвөн жилийн өмнөөс "LDC" брэндийг гаргасан бөгөөд минут тутамд миний сэтгэлийг догдлуулсаар байгаа нь гайхалтай.

ТА АНХ ЯМАР ДИЗАЙНЫГ ЗОХИОСОН БЭ?

Миний анхны загвар бол "Эзэгтэйн бүтээл" (доорх зураг). Одоо ч миний хамгийн дуртай бүтээлүүдийн нэг хэвээр байгаа. Би Ромд амарч байхдаа Michelangelo-ны ‘Creation of Adam’ киног үзэж байхдаа зурсан юм. Тэр кино намайг алмайруулж, бүтээл туурвих сэдэл өгсөн гэхэд болно. Би Бурхан болон Адамын гарыг дэгжин эмэгтэйчүүдийн гараар сольж, чамин хувилбарыг зурсан. Би энэ санаанд маш их дурласан учраас хавтан, аяганаас эхлээд ханын бүрээсэнд хүртэл дизайныг хэрэглэсэн.

БИЗНЕСИЙН САНААГАА ХААНААС ОЛСОН БЭ?

Би зүрх сэтгэлдээ уран бүтээлч. Гэхдээ өөрийн үнэт зүйл, хүсэл тэмүүллээ брэндээр илэрхийлэхийг хүссэн. Нэг ёсондоо урлаг, гар урлалд дуртай, өөрийгөө шинээр илэрхийлэхийг хүссэн хүмүүстэй нэг баг болон ажиллахыг хүссэн хэрэг.

ТАНАЙ БРЭНДИЙН ХАМГИЙН ИХ БОРЛУУЛАЛТТАЙ ЗАГВАР АЛЬ НЬ ВЭ?

Мэдээжийн хэрэг 'The Provocateur' үнэртэй лаа (зураг дээр). Сар бүр 100 орчим хүн тус лааг худалдан авч, хэрэглэгчдийн хүлээлтийг бий болгодог лаа юм.

БҮТЭЭЛЧ БАЙДАЛ- УРЛАГТ БОЛОН ХУВИЙН АМЬДРАЛД ЯАГААД ЧУХАЛ ВЭ?

Бүтээлч байдал миний хувьд амьдрахын тулд хоол идэхтэй адил чухал зүйл. Бүтээлч байдал нь хүнийг эмчлэх чадвартай, сэтгэл санааг тайвшруулж, сорилтонд оруулж, асуудлын шийдлийг олоход түлхэц өгдөг.

ТАНЫ МЭДРЭМЖИД ХЭРХЭН НӨЛӨӨЛСӨН БЭ?

Бүтээлч байдал ямар ч үед миний сэтгэлийг хөдөлгөсөөр ирсэн. Зураг зурах, баримал хийх нь бясалгалын нэгэн хэлбэр гэж би боддог. Тухайн мөчид анхаарлаа төвлөрүүлснээр шинэ санаа хүлээн авахад оюун ухаанаа нээлттэй байхыг шаарддаг.

БҮТЭЭЛЧ БАЙДАЛ ТАНЫ АМЬДРАЛЫН НЭГ ХЭСЭГ БАЙСАН УУ?

Тиймээ. Би багадаа зураг зурж, тоглоомондоо зориулж хувцас оёх дуртай нэгэн байсан. Дунд сургуулиа төгссөний дараа би урлаг гэхээсээ илүү биологи, химийн чиглэлээр суралцаж эхэлсэн. Гэнэтхэн л энэ зам миний явах чиглэл биш гэдгийг ойлгож, урлагийн чиглэлээр сурах болсон.

УРАН БҮТЭЭЛЧ БОЛОХООС ӨМНӨ БҮТЭЭЛЧ БАЙДЛЫН ТАЛААР ХҮМҮҮС ЮУ ГЭЖ ЯРЬДАГ БАЙСАН БЭ?

Манай найз бүтээл туурвигчид ихэвчлэн ганцаардмал, эмзэг, мэдрэмтгий хүмүүс байдаг гэж надад хэлж байсан. Гэсэн ч урлаг миний сэтгэлд ойр санагдаж, илүү ихийг мэдэхийг хүссэн.

ТАНАЙ БРЭНДЭД БҮТЭЭЛЧ БАЙДАЛ ЯАГААД ЧУХАЛ ВЭ?

Урлагийн бүтээл зөвхөн оюун ухаан, сэтгэл хөдлөлөө илэрхийлэх бус бусдын нүдийг нээхэд тусалдаг. Жишээлбэл, залуу уран бүтээлчдэд урлаг хязгаарлагдмал сонголтоос зөв шийдвэр гаргаж, шинэ хүсэл тэмүүлэл, ур чадвараа хөгжүүлж, өөртөө итгэх итгэл, шинэ боломжийг нээхэд тусалдаг гэж боддог.